නවතම ලිපි
News

පාසල් උපකරණ බෙදාදීමේ වැඩසටහන

හම්බන්තොට ප්‍රදේශයේ අඩු ආදායම්ලාභී පවුල්වල දරුවන් හා පාසල් යාමට කැමැත්තක් නොදක්වන දරුවන් වෙනුවෙන් පාසැල් උපකරණ කට්ටලයක් ප්‍රදානය කිරීමේ වැඩසටහනක් පසුගිය මාර්තු 15 වන දින කලබල බිංදු ළමා උද්‍යානයේ දී පැවැත්විණි. අතිපූජ්‍ය ඕමල්පේ සෝභිත නාහිමිපාණන් වහන්සේගේ අනුශාසනා හා මඟ පෙන්වීම මත හා මාගම් නාවික හමුදාකඳවුරේ නිලධාරීතුමන් ඇතුළු පිරිසගේ ආධාරය මත මෙම සමාජ සත්කාරය සිදු කෙරිණි.

මෙම වැඩසටහන සඳහා නාගරික මන්ත්‍රී අජිත් ප්‍රසන්න මැතිතුමා, නැටුම් විෂය භාර සුදීකා ගුරුතුමිය, කාංචනා ගුරුතුමිය හා ආයතන කළමනාකරු මංජුල මහතාද සහභාගී විය.මෙහිදී නාගරික මන්ත්‍රී අජිත් ප්‍රසන්න මැතිතුමා විශේෂ දේශනයක් පැවැත්වූ අතර, එහිදී දිනපතා පාසල් යාමේ වැදගත්කම පිළිබඳව විශේෂයෙන් සාකච්ඡා කෙරිණි.දරුවන් ඉතා සතුටින් වැඩසටහන සදහා සහභාගී වූ අතර අධ්‍යාපනය හා එහි වැදගත්කම පිළිබද දැනුමක් ලබා දී දරුවන් දිරිමත් කිරීම ද මෙහි අරමුණු විය. මේ සඳහා සහාය දැක්වූ සියලු දෙනාහට කෘතවේදී ස්තූතිය පුදකර සිටිමු.


2021-03-23 දින ප්‍රකාශයට පත් කරන ලදි.

වැඩසටහන්

  • මුල් ගල් තැබීමේ පුණ්‍යමහෝත්සවය.
    බුද්ධ මන්දිරය, වාහල්කඩ සහිත ප්‍රාකාරය විවෘත කිරීම සහ අභිනව චෛත්‍යරාජයාණන් වහන්සේට මුල් ගල් තැබීමේ පුණ්‍යමහෝත්සවය.
    2023-03-04 පෙ.ව 10.00ට

  • නවක පෙරපාසල් දරු දැරියන් පිලිගැනිමේ වැඩසටහන.
    නවක පෙරපාසල් දරු දැරියන් පිලිගැනිමේ වැඩසටහන, 2023 ජනවාරි මස 17 වනදින බොධිරාජ ජාත්‍යන්තර පෙරපාසලේදී සිදු කිරීමට නියමිතයි.
    2023-01-17

  • පෝය දින වැඩසටහන සිරස FM සජීවී විකාශය 2022 දෙසැම්බර් 07
    2022 උදුවප් මස පෝය දින වැඩසටහන ශ්‍රී බෝධිරාජ ධර්මායතනයේදී 2022 දෙසැම්බර් 07 වන දින පැවැත්විනි. මෙම පෝයදින වැඩසටහන සිරස FM ගුවන් විදුලිය ඔස්සේ සජීවීව විකාශය කළ අතර මෙම පෝදා වැඩසටහන සදහා ආචාර්ය පූජ්‍යපාද ඕමල්පේ සෝභිත නාහිමිපාණන් වහන්සේ ප්‍රධාන ගෞරවණිය ස්වාමීන් ස්වාමීන් වහන්සේලා සහභාගී වුහ.
    2022-12-07 උදෑසන සිට

  • ලෝක ආබාධිත දින සැමරුම් වැඩ සටහන 2022
    ඇඹිලිපිටිය, ශ්‍රී බෝධිරාජ අභය දාන යාත්‍රා සංවිධානය මගින් සංවිධානය කරන ලද ලෝක ආබාධිත දින සැමරුම් වැඩ සටහන 2022 දෙසැම්බර් මස 03 වන සෙනසුරාදා දින ඇඹිලිපිටිය සඳතරු හෝටලයේ දී පැවැත්වුනු අතර ආබාධ සහිත ප්‍රජාවගේ හිමිකම් සහතික කිරීම, ආරක්ෂිත හා සාධාරණ ලෝකයක් පෝෂණය විම යන අරමුණින් ශ්‍රී බෝධිරාජ පදනමේ නිර්මාතෘ ආචාර්ය පූජ්‍ය ඕමල්පේ සෝභිත නාහිමිපාණන් වහන්සේගේ අනුශාසනා පරිදි මෙය සංවිධානය කර තිබුණි.
    2022-12-03

  • 2022 වර්ෂාවසාන ප්‍රගති සමාලෝචනය හා මධ්‍යම වාරයේ සමාප්තිය
    2022 දෙසැම්බර් මස 01 වන බ්‍රහස්පතින්දා දින ශ්‍රී බෝධිරාජ ධර්මායතන පිරිවෙනෙහි පැවැත්වූ වර්ෂාවසාන ප්‍රගති සමාලෝචන හා මධ්‍යම වාරයේ සමාප්තිය වැඩසටහන ‍වර්තමාන කෘත්‍යාධිකාරි දර්ශනගම දර්ශන ගිරි විහාරාධිපති අතිපූජ්‍ය ඇඹිලිපිටියේ ඉන්දරතන මාහිමිපාණන් වහන්සේගේ ප්‍රධානත්වයෙන් සිදු වූ වගයි. ඒ සඳහා ගරු ශ්‍රි බෝධිරාජ ධර්මායතන මහා පිරිවෙනේ හිටපු පරිවේණාධිපති හිමි ඇතුළු ශිෂ්‍ය භික්ෂූන් වහන්සේලාගේ හා ගුරු හිමිවරුන්ගේ සහභාගිත්වයෙන් සාර්ථක අන්දමින් පැවැත් විය.
    2022-12-01


නවතම ලිපි