ළදරු විය යනු හැකියාවන් පිළිබඳ බීජ වැපිරීමට සුදුසු සාරවත් කෙත්බිමකි. මේ සත්‍ය වූ න්‍යාය ක්‍රියාවට නංවා විශ්මිත ප්‍රතිඵල අත්දකින්නට බෝධිරාජ ජාත්‍යන්තර පෙර පාසලේ දෙමාපියෝ සමත්ව සිටිති. මවු බසත් සමග ඉංග්‍රීසි බසද උපයෝගී කර ගනිමින් ක්‍රියාකාරකම් ඔප් නැංවීම මේ මගින් සිදු වෙයි. ජාතික හා ජාත්‍යන්තර ක්ෂේත්‍රයේ දැනුම් සාගරයේ නිර්භය ලෙස පිහිනා යන්නට ගත සිත පුහුණු කරවන ප්‍රථම පියවර වශයෙන් සැලකිය හැකි මේ සේවාව තුළ සිඟිත්තෝ 400 ක් පමණ සුසංගතව සිටිති.
වැඩිහිටි වියේදී ඉංග්‍රීසි ඉගෙනීම ආරම්භ කිරීම නිසා, එම භාෂාව කෙරේ ඇතිවන බිය, හීනමානය නැතිවීම මේ වැඩසටහනේ මුඛ්‍ය පරමාර්ථය යි. සිංහල තම මවුබස සේ ගෞරවයෙන් සළකන අතර ම ඉංග්‍රීසිය අමුත්තක් නොවන බවද, අමුතු ගරුසරු විෂයක් නොවන බව ද කිරිකැටි වියේ ලබන මේ භාෂා අත්දැකීමත් සමග දරුවා සිත තුළට පිවිසෙන සත්‍යතාව යි.
