නවතම ලිපි
News

ගුණ සමරු පිංකම හා අභිනව මහා නායක හිමි පිළිගැනීම

අපවත් වී වදාළ පරම පූජනීය නාපාන පේමසිරි මහා ස්වාමීන්ද්‍රයන් වහන්සේගේ තෙමස් පූර්ණ ගුණ සැමරුම හා සඟ පරපුරේ අපවත්වී වදාළ ස්වාමීන් වහන්සේලාට පින් පැමිණවීම, මහාවිහාරවංශික ශ්‍රී ලංකා රාමඤ්ඤ මහා නිකායේ අභිනව මහා නායක අති පූජ්‍ය මකුලෑවේ විමල මා හිමිපාණන් වහන්සේ පිළිගැනීමේ මහා පිංකම පසුගිය විසි දෙවන සඳුදා දින ඇඹිලිපිටිය,ශ්‍රී බෝධිරාජ ධර්මායතනයේදී සිදු කරන ලදී. ශ්‍රී ලංකා රාමඤ්ඤ මහා නිකායේ දක්ෂිණ ලංකා ප්‍රධාන සංඝනායක පූජ්‍ය ඕමල්පේ සෝභිත නාහිමියන්ගේ උපදෙස් පරිදි විහාරාධිකාරී ශාස්ත්‍රවේදී රන්නේ ඉන්දසාර හිමියන් ඇතුළු විහාරස්ථ දායක සභාව මගින් මෙම උත්සවය සංවිධානය කරන ලදී.

මේ සඳහා ප්‍රධාන සත්කාරත්වය දරන ලද්දේ කඩුවෙල ජාත්‍යන්තර කාම්බෝජ බෞද්ධ මධ්‍යස්ථානය, කාම්බෝජයේ විපස්සනා දුර භාවනා මධ්‍යස්ථානය සහ හම්බන්තොට ප්‍රාදේශීය සංඝ සභාව මගිනි. පෙරවරු 10.00 ට පමණ ආරම්භ වූ මෙම උත්සව අවස්ථාව හා පිංකම සදහා විශේෂ ආරාධනය පරිදි සබරගමු පළාත් ආණ්ඩුකාරවර ටිකිරි කොබ්බෑකඩුව මැතිතුමා හා දහම් අධ්‍යාපන පිරිවෙන් හා භික්ෂු උසස් අධ්‍යාපන අමාත්‍ය විජිත බේරුගොඩ මැතිතුමා සහභාගි වන ලදී.මෙම ආගමික කටයුත්තට සමගාමීව සංස්කරණය කරන ලද නව සාමණේර බණ දහම් පොත එළිදැක්වීම, මහා සංඝරත්නය කෙරෙහි පිරිකර සහිත සංඝගත දක්ෂිණාව හා කුල කුමරකු සසුන් ගත කිරීමද සිදුවිය. ඊට නන් අයුරින් සහය දැක්වූ ගිහි පැවිදි සියලුදෙනාට කෘතවේදී පුණ්‍යානුමෝදනාව පුද කරමු.


2021-03-11 දින ප්‍රකාශයට පත් කරන ලදි.

වැඩසටහන්

  • මුල් ගල් තැබීමේ පුණ්‍යමහෝත්සවය.
    බුද්ධ මන්දිරය, වාහල්කඩ සහිත ප්‍රාකාරය විවෘත කිරීම සහ අභිනව චෛත්‍යරාජයාණන් වහන්සේට මුල් ගල් තැබීමේ පුණ්‍යමහෝත්සවය.
    2023-03-04 පෙ.ව 10.00ට

  • නවක පෙරපාසල් දරු දැරියන් පිලිගැනිමේ වැඩසටහන.
    නවක පෙරපාසල් දරු දැරියන් පිලිගැනිමේ වැඩසටහන, 2023 ජනවාරි මස 17 වනදින බොධිරාජ ජාත්‍යන්තර පෙරපාසලේදී සිදු කිරීමට නියමිතයි.
    2023-01-17

  • පෝය දින වැඩසටහන සිරස FM සජීවී විකාශය 2022 දෙසැම්බර් 07
    2022 උදුවප් මස පෝය දින වැඩසටහන ශ්‍රී බෝධිරාජ ධර්මායතනයේදී 2022 දෙසැම්බර් 07 වන දින පැවැත්විනි. මෙම පෝයදින වැඩසටහන සිරස FM ගුවන් විදුලිය ඔස්සේ සජීවීව විකාශය කළ අතර මෙම පෝදා වැඩසටහන සදහා ආචාර්ය පූජ්‍යපාද ඕමල්පේ සෝභිත නාහිමිපාණන් වහන්සේ ප්‍රධාන ගෞරවණිය ස්වාමීන් ස්වාමීන් වහන්සේලා සහභාගී වුහ.
    2022-12-07 උදෑසන සිට

  • ලෝක ආබාධිත දින සැමරුම් වැඩ සටහන 2022
    ඇඹිලිපිටිය, ශ්‍රී බෝධිරාජ අභය දාන යාත්‍රා සංවිධානය මගින් සංවිධානය කරන ලද ලෝක ආබාධිත දින සැමරුම් වැඩ සටහන 2022 දෙසැම්බර් මස 03 වන සෙනසුරාදා දින ඇඹිලිපිටිය සඳතරු හෝටලයේ දී පැවැත්වුනු අතර ආබාධ සහිත ප්‍රජාවගේ හිමිකම් සහතික කිරීම, ආරක්ෂිත හා සාධාරණ ලෝකයක් පෝෂණය විම යන අරමුණින් ශ්‍රී බෝධිරාජ පදනමේ නිර්මාතෘ ආචාර්ය පූජ්‍ය ඕමල්පේ සෝභිත නාහිමිපාණන් වහන්සේගේ අනුශාසනා පරිදි මෙය සංවිධානය කර තිබුණි.
    2022-12-03

  • 2022 වර්ෂාවසාන ප්‍රගති සමාලෝචනය හා මධ්‍යම වාරයේ සමාප්තිය
    2022 දෙසැම්බර් මස 01 වන බ්‍රහස්පතින්දා දින ශ්‍රී බෝධිරාජ ධර්මායතන පිරිවෙනෙහි පැවැත්වූ වර්ෂාවසාන ප්‍රගති සමාලෝචන හා මධ්‍යම වාරයේ සමාප්තිය වැඩසටහන ‍වර්තමාන කෘත්‍යාධිකාරි දර්ශනගම දර්ශන ගිරි විහාරාධිපති අතිපූජ්‍ය ඇඹිලිපිටියේ ඉන්දරතන මාහිමිපාණන් වහන්සේගේ ප්‍රධානත්වයෙන් සිදු වූ වගයි. ඒ සඳහා ගරු ශ්‍රි බෝධිරාජ ධර්මායතන මහා පිරිවෙනේ හිටපු පරිවේණාධිපති හිමි ඇතුළු ශිෂ්‍ය භික්ෂූන් වහන්සේලාගේ හා ගුරු හිමිවරුන්ගේ සහභාගිත්වයෙන් සාර්ථක අන්දමින් පැවැත් විය.
    2022-12-01


නවතම ලිපි